МБОУ Алтанская средняя общеобразовательная
школа с углубленным изучением
отдельных предметов
Юридический и фактический адрес: МБОУ "Алтанская СОШ"  - Республика Саха (Якутия)
Амгинский улус с.Алтанцы , улица С.П. Петрова д.30.
Тел. 8411 (42) 22 - 117, 8411(42) 22 - 276. Электронная почта: mbou_altan@mail.ru
Посетите наш Instagram : mbou_altan
 
 

 

ЧАРААС МУУСКА СЭРЭХТЭЭХ БУОЛУУ ИНСТРУКТААҺА

Сэтинньи 23 күнэ 2020 сыл

 

Сыл аайы дьон ситэ халыҥыы илик мууска киирэн, былаҕайга былдьатар түбэлтэтэ тахса турар. Биир үксүн оҕолор чараас мууска киирэн оонньууллар, эбэтэр күөлү, үрэҕи туорууллар.

Турар ууга (күөлгэ) муус халыҥа 10 сантиметртан итэҕэһэ суох халыҥнаах буоллаҕына, киһиэхэ куттала суох диэн аатырар. Онтон сатыы туоруурга 15 сантиметртан итэҕэҺэ суох халыӊнаах буолуохтаах.

Сүүрүктээх ууга (өрүстэргэ, үрэхтэргэ), хомустаах күөлгэ муус ордук алдьанымтыа, уйуга суох, чараас. Муус үрдүнэн быган турар от-мас баар сиригэр ордук сэрэхтээх.

Көҕөрүмтүйэр муус кытаанах буолар, оттон маҥанныҥы, араҕастыҥы өҥнөөх, курдары көстүбэт муус икки төгүл кутталлаах.

Мууска үктэниэн иннинэ, муус төһө халыҥын улахан дьон бэрэбиэркэлээбитин кэннэ, дьон барбыт суолларынан эрэ барыахха сөп. 

Сыыртан муус диэки салаасканан, хайыһарынан түһэр бобуллар.

Хараҥаҕа уонна хаардаах мууска киирэр бобуллар.

Наверх