МБОУ Алтанская средняя общеобразовательная
школа с углубленным изучением
отдельных предметов
Юридический и фактический адрес: МБОУ "Алтанская СОШ"  - Республика Саха (Якутия)
Амгинский улус с.Алтанцы , улица С.П. Петрова д.30.
Тел. 8411 (42) 22 - 117, 8411(42) 22 - 276. Электронная почта: mbou_altan@mail.ru
Посетите наш Instagram : mbou_altan
 
 

 

«Ааспыты ахтыһа, кэскиллээҕи түстэһэ»

9 апреля 2014 г.
Муус устар 5-6 күнэригэр Алтан орто оскуолатыгар «Ааспыты ахтыһа, кэскиллээҕи түстэһэ» диэн көлүөнэнэн көрсүһүүлэрэ буолан ааста.Араас сылларга бүтэрбит выпускниктар кэлэн көрсүһэн үөрэн-көтөн бардылар. Көрсүһүүгэ араас тэрээһиннэр интэриэһинэйдик ыытылыннылар: «Ахтар саныыр оскуолам» быыстапка, оскуола үөрэнээччилэрэ уонна выпускниктара кыттыылаах Ульяна Громова аатынан дружина сбора, «О5о сааспыт умнуллубат кэмнэрэ» кылаас чаастара (XIкыл:1950-1970сс., 1971-1980сс., VIII –IX кыл: 1981-1990сс., VI-VII кыл: 1991-2000сс., V кыл: 2001-2003сс. выпускниктар).   Үөрүүлээх дружина сбора урукку көлүөнэлэр сүрэхтэрин таарыйда, уруккуну санатта. Олус сэргэх уонна бэһиэлэй кылаас чаастарыгар выпускниктар оҕолорго урукку оскуолатааҕы сылларын ахтан-санаан аастылар.Биһиги олус сэргээн иһиттибит, элбэҕи биллибит.   Эбиэттээн киэһэ В.В.Ноев аатынан “Иэйии” киинигэр оскуола туһунан кинигэ тахсарыгар, саҥа оскуола иһин-таһын тупсарарга, көҕөрдүүгэ ананар «Норуо күүһэ, көмүөл күүһэ» көмө акция ,быыстапка,эҕэрдэ кэнсиэр көхтөөхтүк барда. Араас көлүөнэ выпускниктар (1950-1960сс., 1961-1970сс., 1971-1980сс.о.д.а.). Тэрилтэлэр салайааччылара, ыалдьыттар тыл эттилэр, сэмэй көмөлөрүн оҥордулар.   Сарсыныгар «Саҥа оскуола сайдар саҕахтара» оскуола попечителлэрин кытта «төгүрүк остуол» оскуола Концепциятын тула кэпсэтиигэ оскуола коллектива, төрөппүттэрэ, нэһилиэк администрацията, оскуолаҕа киириигэ бэлэмнэнии хамыыһыйалара, общественность кыттыннылар, сөптөөх дьаһалталлары ылыннылар. Акция түмүгүнэн 320,000 солкуобай үп киирдэ уонна инникитин бу тэрээһин салҕанар. Бары выпускниктарга, попечителлэргэ, ыалдьыттарга Алтан оскуолатын аатыттан барҕа махтал!      Бу маннык үгэс буолбут тэрээһин Алтан орто оскуолата тэрийэ туруо диэн эрэнэбит, бары да долгуйа күүтэбит.     Баянакова Уйгу,Попова Маша, Адамов Афоня, Алтан, 9 кылаас  
Наверх